საქართველოს კულტურის სამინისტროს ორგანიზებითა და აბაშის მუნიციპალიტეტის მერიის მხარდაჭერით, 19 აგვისტოს, 20:00 საათზე, მარნის კულტურის სახლში, პროექტის "მუსიკალური ზაფხული 2025“-ის ფარგლებში, თინათინ მღვდლიაშვილის 70 წლის იუბილესადმი მიძღვნილი შემოქმედებითი საღამო გაიმართება. ღონისძიებაში მონაწილეობენ: ეკა კვალიაშვილი, თემურ თათარაშვილი, მარიკა ქაცარავა, დავით ძიძიგური, გიორგი ჭიალაშვილი. დასწრება თავისუფალია!
ადგილობრივი თვითმმართველობის არჩევნები 4 ოქტომბერს დაინიშნა
მიხეილ ყაველაშვილმა ადგილობრივი თვითმმართველობის არჩევნების 4 ოქტომბერს ჩატარების შესახებ განკარგულება გამოსცა. „საქართველოს პრეზიდენტის, მიხეილ ყაველაშვილის მიერ გამოცემული განკარგულების თანახმად, საქართველოში ადგილობრივი თვითმმართველობის ორგანოების არჩევნები 2025 წლის 4 ოქტომბერს ჩატარდება. განკარგულება თანახელმოწერილია საქართველოს პრემიერ-მინისტრის ირაკლი კობახიძის მიერ.” -ინფორმაციას ყაველაშვილის პრესსამსახური ავრცელებს.
1 და 2 აგვისტოს მაღალი ტემპერატურის ფონზე, მოსალოდნელია ხანმოკლე წვიმა
გარემოს ეროვნული სააგენტოს ინფორმაციით, 1 და 2 აგვისტოს საღამოს და ღამის საათებში საქართველოში, მაღალი ტემპერატურის ფონზე, მოსალოდნელია ხანმოკლე წვიმა ელჭექით, დასავლეთ საქართველოს ჩრდილო-მთიან რაიონებში და აღმოსავლეთ საქართველოში ზოგან ძლიერი, შესაძლებელია სეტყვა და ელჭექის დროს ქარის გაძლიერება. სააგენტოს ცნობით, მოსალოდნელმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში...